بلوچستان لبریشن پرنٹ ءِ جارکش میجر گھرام بلوچ ءَ وتی درشان ءَ گوشتگ کہ سرمچاراں دو مارچ ءَ تربت ءِ ھند آپسر ءَ پاکستانی پوج ءِ دو گاڑیانی ءُ موٹرسائیکلانی کاروان گوں تراکناکیں شورھاں نشانگ کرتگ۔ اے کاروائی ھما وھد ءَ کنگ بوتگ کہ پوج ءِ کاروان چہ کھدہ یوسپ میتگ ءَ گوزگ ءَ بوتگ کہ پیسر ءَ سنگر گپتگیں سرمچاراں کاروان گوں تراکناکیں شورھاں نشانگ کرتگ۔ تراک ءِ زد ءَ آتکگیں پوج ءِ یک گاڑی یے سرجم ءَ تباہ بوتگ۔ گاڑی ءَ سواریں سے کارمند مرتگ ءُ دو سکا ٹپی بوتگ۔
آئی گوشتگ کہ تراک ءَ پد لگوریں دژمن ءَ دمگ ءَ سکا تیرگواری کرتگ ءُ مھلوک ترسینتگ، کہ اے دژمنیں پوج ءِ پروش ورگ ءِ پدریں منانک اِنت۔
جارکش ءَ گوشتگ کہ یک دگہ کاروائی یے ءَ سرمچاراں سے مارچ ءَ پنجگور ءِ ھند چتکان ءَ برجاھیں ایپ سی ءِ ھیڈکوارٹر ءِ تہ ءَ پوج ءِ چیریں ادارھانی کارگس نشانگ کرتگ۔ سرمچاراں ھیڈکوارٹر ءِ تہ ءَ برجائیں کارگس ءِ سر ءَ گرنیڈ لانچر ءِ نھ گولا آس داتگ کہ آ نشانگ ءَ کپتگ اَنت۔ اے کاروائی ءِ آسر ءَ زورگریں پوج ءَ جانی ءُ مالی تاوان بوتگ۔
میجر گھرام بلوچ ءَ درشان ءِ گڈی ءَ دوئیں کاروائیانی زمہ واری من اِتگ۔
