کراچی ءِ ھند لیاری ءَ پاکستانی پوج ءَ جنکیں نودربرے ءَ ھوار دو نودربر آوار جتگ ءُ بیگواہ کرتگ۔
اھوالکار ءِ رد ءَ لیاری ءِ ھند کلری، الی مھمد میتگ ءَ پاکستانی پوج ءَ باز گساں بیڑ برتگ ءُ زوراکی کرتگ ھمے میان ءَ پاکستانی پوج ءَ دو نودربر آئیشہ ء لال جان ءُ داؤد ء ابراھیم آوار جتگ ءُ بیگواہ کرتگ اَنت۔
آیانی کھول ءِ گوشگ اِنت کہ دوئیں زوربیگواھیں نودربرانی اُمر ھژدہ داں بیست سال اِنت۔ آیانی بیگواھی ءَ پد ھچ ھال نیست کہ آ چون ءُ کج ءَ اَنت۔ چہ ایش ءَ سرجمیں کھول جنجالانی دیمپان اَنت۔
آیانی کھول ءَ گوں سرکار ءَ لوٹ کرتگ ءُ گوشتگ کہ دوئیں بیگواھیں نودربر زوت دیم ءَ آرگ بہ بنت ءُ آیانی آجوئی ءَ دلجمی دیگ بہ بیت۔
بنشون: رسانکدر اکس: رسانکدر
