ایران ءِ بنجاھی شھر تھران ءَ بوتگیں ارشاں پد ایران ءَ بھرین، ابوزھبی، کتر ءُ سودی ءَ امریکی اڈھانی سر ءَ ارش کرتگ۔
بھرین ءِ نیشنل کمیونیکیشن سینٹر ءِ گوشگ اِنت کہ امریکی بھریہ ءِ پنچمی آپی جھازانی سینٹر گوں میزائلاں نشانگ کنگ بوتگ۔
متھدہ ارب امارات ءِ سرکار ءَ ھم ایرانی میزائل ارش ءِ گپ راست کرتگ ءُ گوشتگ کہ چہ ایران ءِ نیمگ ءَ باز میزائل آس دیگ بوتگ بلے اماراتی بالی دیمپانی نزام ءَ تباہ کرتگ اَنت۔
سرکار ءِ رد ءَ ابو الزھبی ءَ یک جاہ منندی ھندے ءَ میزائلانی ٹکر کپتگ اَنت، کمیں مالی تاوان بوتگ ءُ یک ایشیائی مردمے بیران بوتگ۔
کتر ءِ بنجاھی شھر دوھہ ءَ تراکانی توار ھم اش کنگ بوتگ اَنت۔
کتر ءِ سرکار ءَ ارشانی گپ راست کرتگ ءُ گوشتگ کہ ڈیھ ءِ نشانگ کنوکیں بازیں میزائل تباہ کرتگ اَنت۔
سئودی ارب ءِ بنجاھی شھر ریاز ءَ ایرانی میزائلانی تراکانی توار اش کنگ بوتگ اَنت۔
بنشون: جھانی رسانکدر اکس: بی بی سی اردو
