کیپ:روس ءِ اُرش ءَ مرچی سَے روچ اِنت کہ یوکرین ءِ سر ءَ برجاہ اِنت ءُ روسی لشکر ءَ یوکرین ءِ بنجاھی شھر کیپ انگِر کُرتگ ءُ کیپ شھر ءِ دمک دمک ءَ دیم پہ دیمی میڑ ءُ جنگی بالی گْرابانی بمبگواری برجاہ اِنت۔بنشون ءِ رد ءَ روسی لشکر ءَ چہ اسود زِر ءَ کروز میزائل آس داتگ، یوکرین ءِ شھر ھیر سون، میکولیپ ءُ اڈیسا ءِ نزیک ءَ ھم میڑ برجاہ اِنت۔
دومی نیمگ ءَ روسی لشکر ءَ یوکرین ءِ شھر ملیتو پول دستیگ کُرتگ۔
روسی لشکر یوکرین ءِ لشکر ڈوارجاہ ءُ بُنجلاں کروز میزائلانی سر ءَ نشانگ کنگ ءَ اِنت۔ دومی نیمگ ءَ یوکرینی لشکر ءَ بازیں کچے ءَ روسی لشکر ءِ تاوان دیگ ءِ ٹاپار جتگ۔
یوکرینی لشکر ءِ رد ءَ کیپ ءِ زرباری نیمگ ءَ دو روسی لشکری بالیگرابانی ٹرانسپورٹ تباہ کُرتگ،چہ ایشی ءَ 300 روسی لشکری مُرتگ،یوکرین ءِ رد ءَ داں انیں 3500 روسی لشکری کُشتگ ءُ 200 لشکری دزگیر کُرتگ۔22 جنگی بالیگراب ءُ 102 ٹینک تباہ کُرتگ۔
بنشون: مانیٹرینگ ڈسک/ اکس: دامگ
