ھزدار ءَ پاکستانی پوج ءَ مشکے ءِ جھمنندیں زالبولے آوار جتگ ءُ بیگواہ کرتگ۔
اھوالکار ءِ رد ءَ آوار جنگ بوتگیں زالبول ءِ نام ھیات بی بی اِنت کہ مشکے نوکجو ءِ جھمنند اِنت انوں ھزدار ءَ نشتگ۔ ھژدہ پروری ءَ پاکستانی پوج ءَ ھزدار ءِ ھند گزگی ءَ گس ءَ بیڑ برتگ ءُ آوار جتگ۔
چہ ایشی ءَ پیش پاکستانی پوج ءَ ھیات بی بی ءِ لوگواجہ پزل کریم ءُ آئی دو زھگاں ھوار ھمے کھول ءِ یازدہ مردم چہ جتائیں جاھاں آوار جتگ ءُ بیگواہ کرتگ اَنت۔
ھمے کھول ءِ آدگہ زوربیگواھیں مردمانی نام پزل کریم، نواز، دادشاہ، ابدالرب، مھمد رھیم، ابدالرازک، ابدالمالک، شاہ زیب، جھانگیر، شاہ میر ءُ نوروز اِنت کہ پاکستانی پوج ءَ چہ ھب ءُ ھزدار ءَ آوار جتگ بیگواہ کرتگ اَنت۔
بنشون: رسانکدر. اکس: ٹی بی پی
