کراچی ءَ بلوچ اسٹوڈنٹس ایکشن کمیٹی کراچی ھنکین ءِ نیمگءَ پہ نوک آتکگیں نودربرانی وش آتکی ءَ کراچی یونیوسٹی ءَ نمیرانیں اللہ داد ءِ یات ءَ مراگشے برجم دارگ بوتگ۔
اے مراگش ءَ بساک ءِ بنجاھی کارگشاد پیرجان بلوچ، رسانکدری کارگشاد پھد بلوچ، بنجاھی پتر ءِ باسک رھمان بلوچ ءُ نگرہ بلوچ ھم ساڑی بوتگ اَنت۔
اے مراگش ءَ سازءُ زیمل، چاپ ءُ ڈاکومنڑی ءَ ھوار جتائیں پروگرام ھوار بوتگ اَنت۔
تران کنوکاں نوک آتکگیں نودربر پہ وانگ، ساچشتکاریءُ چاگردی زانشت ءِ سر ءَ سکین داتگ اَنت ءُ گوشتگ کہ اے وڑیں مراگش نودربرانی لیکھی ھیلکاری ءُ پہ مچی نپاں سکا جوانیں کرد پیلو کن اَنت۔
بنشون: رسانکدر اکس: بساک
