کیپ: روسی لشکر ءِ یوکرین ءِ سر ءَ اُرش کنگ ءَ پد ڈیھ ءِ پھریزگ ءَ پیشگیں مھتر پیٹرو پوروشینکو ءُ اسمبلی ءِ باسک کیرا روڈک ھم سلاہ بند بیتگ ءُ گوں روس ءَ جنگ کنگ ءَ جاڑی بیگ ءِ جار جتگ۔ جھانی رسانکدر ءِ رد ءَ یوکرین ءِ پیشگیں مھتر پیٹرو پوروشینکو ءَ سی تیری بڈّا کُرتگ ءُ گْوشتگ کہ پہ وتی سرڈگار ءِ پھریزگ ءَ گوں روسی لشکر ءَ جنگ کنگ ءَ جاڑی آں۔چہ 2014 داں 2019 ءَ بیتگیں یوکرین ءِ مھتر ءَ گْوشتگ کہ سی تیری ءَ ابید منی کِر ءَ دگہ دو مشین گن ھم ھست کہ روسی لشکر ءِ سر ءَ کارمرد کنگ بنت ءُ اے میان ءَ من مدام دگ ءِ سر ءَ ساڑی باں۔ ھمے وڑ ءَ یوکرین ءِ اسمبلی ءِ باسک کیرا روڈک ءَ ماں چاگردی رسانکدر ءَ وتی اکسے شنگ کُرتگ کہ آئی ءَ سی تیری یے دست ءَ اِنت ءُ آئی وتی کلوھے ءَ گْوشتگ کہ جنین ھم اے جنگ ءِ بھر جوڑ بہ بنت۔ کیرا روڈک گْوشتگ کہ من توپک ءِ جنگ ءَ ھیل گِرگ ءَ آں روس ءِ بگیری ءَ جنگ کنگ ءَ وت ءَ جاڑی کنگ ءَ آں۔داں گوں مردیناں ھمکوپگ بہ باں۔
یوکرین ءِ اسمبلی ءِ باسک ءُ پیشگیں مِھتر ءَ پہ وتی سرڈگار ءِ پھریزگ ءَ سلاہ بند بیتگ اَنت
یوکرین ءِ اسمبلی ءِ باسک ءُ پیشگیں مِھتر ءَ پہ وتی سرڈگار ءِ پھریزگ ءَ سلاہ بند بیتگ اَنت
