گوادر ءِ ھند پلیری ءَ پاکستانی پوج ءِ جوڑ کرتگیں چیریں ادارھانی کارمنداں بیڑ برتگ ءُ یاسر بلوچ آوار جتگ ءُ بیگواہ کرتگ۔
زرمبش جھگیر ءِ رد ءَ زور بیگواھیں یاسر بلوچ ء ازیز پلیری، ابدرھیم بازار ءِ جاہ منند اِنت کہ دوشی یازدہ ءُ نیم ءَ چہ گس ءَ آوار جنگ ءُ بیگواہ کنگ بوتگ۔ چیریں ادارھانی کارمنداں بیڑ برگ ءِ میان ءَ بازیں گس پٹ ءُ پول کرتگ ءُ مردم بیھار داتگ اَنت۔
ھندی بنشون ءِ رِد ءَ چیریں ادارھانی کارمند بلوچی پوشاک ءَ بوتگ اَنت ءُ گوں آیان لھتیں زالبول ھم ھمراہ بوتگ۔
بنشون: زرمبش جھگیر اکس: اھوالکار
