چہ مستونگ، نوشکی ءُ آواران ءَ پاکستانی پوج ءَ شش مردم آوار جنگ ءَ پد بیگواہ کرتگ۔
اھوالکار ءِ رد ءَ زوربیگواہ کرتگیں مردمانی نام گل اھمد ء مھمد وپا، سرپراز بلوچ ء مھمد، رؤپ ھان ء مھمد رپیک، مھمد سالھ ء راز مھمد، ھزب اللہ ء گلام کادر ءُ الیاس بلوچ ء مراد اِنت کہ پاکستانی پوج ءَ آوار جتگ ءُ بیگواہ کرتگ اَنت انگت آیانی بابت ءَ ھچ سرپدی دیگ نہ بوگ ءَ اِنت۔
سرپراز بلوچ ء مھمد، رؤپ ھان ء مھمد رپیک، مھمد سالھ ء راز مھمد پاکستانی پوج ءَ چہ نوشکی ءَ آوار جتگ ءُ بیگواہ کرتگ اَنت۔ گل اھمد ء مھمد وپا ءُ ھزب اللہ ء گلام کادر چہ مستونگ ءَ آوار جتگ اَنت۔
زرمبش جھگیر ءِ رد ءَ زوربیگواھیں الیاس ء مراد آواران ءِ ھند تیرتیج ءِ جھمنند اِنت ءُ زی پاکستانی پوج ءَ آواران بازار ءِ بنجل ءَ لوٹائینتگ ءُ بیگواہ کرتگ۔
بنشون: اھوالکار. اکس: اھوالکار
