بلوچ ریپبلکن پارٹی ءِ سرکماش ءُ بلوچ سروک براھمدگ بگٹی ءَ وتی درشانے ءَ گوشتگ کہ پاکستان سرکار ءِ نیمگ ءَ انوگیں جارے ءَ درانڈیھ ءَ نشتگیں بلوچ رھشونان ھوار منی سر ءَ انام ایر کنگ بوتگ، اے یک بے شرمیں گامگیجے کہ پاکستانی پوج ءُ آئی وتگڑیں سرکار ءِ سسائی پروش ءَ پاشک کنت۔
آئی ءَ گوشتگ کہ بلوچستان ءَ چہ سنگین ءُ دیریگیں جیڑہ ءِ گیش ءُ گیوار کنگ ءُ سنگین بوگ ءُ گامگیج زورگ ءَ ابید آھما توارانی دارگ ءُ مزنیں جیڑہ کہ زوریں بیگواھی اِنت، مڈیانی لٹ ءُ پل ءُ انسانی ھکانی چہ لگتمالیاں دلگوش ءِ دور کنگ ءَ اے وڑیں وتسریں پندل سازگ ءَ اَنت۔
براھمدگ بگٹی ءَ گوشتگ کہ پوج ءِ سروک بدگمانی ءُ زاتی نپانی تہ ءَ انچو چیر تراتگ اَنت کہ راجی نپاں ابید وتی مالی نپاں چاراَنت، گڑا کسے چون اے اوست ءَ داشت کنت کہ آ اے وڑیں مزنیں تباھی یے ءَ داراَنت۔ اے درس ھمے گپ ءَ پیش دار اَنت کہ آ گپ ءُ پہ جیڑھانی گیش ءُ گیوار ءِ درگیجگ ءَ سنگین نہ اَنت۔
بنشون: درشان اکس: دامگ
