چہ پنجگور ءِ ھند شاپاتان ءَ دگہ دو مردم ءِ آزار داتگیں لاش دزکپتگ، چہ آیاں یکے زور بیگواھیں جنگیان بلوچ ءِ لاش اِنت۔ دومی لاش انگت پجارگ نہ بوتگ۔
بنشونءِ رد ءَ جنگیان بلوچ ء ابدلرشید پنجگور ءِ ھند پروم ءِ جاہ منند اِنت کہ 26 مئی 2025 ءَ پاکستانی پوج ءَ گوں ھندی کشندہ ٹولی ءِ ھمراھی ءَ آوار جتگ ءُ بیگواہ کرتگ اَت۔ ھشت ماہ ءَ گیش زوریں بیگواھی ءَ پد مرچی آئی لاش چگل دیگ بوتگ۔
جنگیان بلوچ پنجگور ءِ چاگردی کارکن ملک میران ءِ کسترین برات اِنت۔ ملک میران ھم ھپت پروری 2022 ءَ بیگواہ کنگ بوتگ اَت ءُ شش مارچ 2022 ءَ آجو بوتگ اَت۔
ھندی بنشون ءِ رد ءَ چہ جنگیان بلوچ ءُ ملک میران ءَ ابید اے کھول ءِ باز مردم آوار جنگ ءُ بیگواہ کنگ بوتگ۔ ایشانی دگہ نزیکیں سیاد دو برات نزر ء ارز مھمد ءُ زھور ءِ ارز مھمد ءِ آوار جنگ ءَ پد لاش چگل دیگ بوتگ اَنت۔
ھمے یکیں ھپتگ ءَ تھنا چہ پنجگور ءَ ھشت مردم ءِ لاش دزکپتگ۔
بنشون: اھوالکار اکس: اھوالکار
