بلوچ نیشنل موومنٹ (بی این ایم) ءِ انسانی ھکانی ادارہ پانک ءَ وتی درشانے ءَ زاکر نور ء نور مھمد ءِ زوریں بیگواھی ایر جتگ ءُ گوشتگ کہ زاکر نور بلوچستان ءِ دمگ پنجگور ءِ جاہ منند اِنت ءُ نودربرے پاکستانی پوج ءَ چہ کراچی ءَ آوار جتگ ءُ بیگواہ کرتگ۔
آئی گوشتگ کہ زاکر نور بے ارزی ءَ درکانودی آوار جنگ ءُ بیگواہ کنگ بوتگ کہ آئی بابت ءَ ھچ سرپدی نیست۔ اے وڑیں گامگیج انسانی بنکی ھک ءُ جھانی کانود ءِ گنتریں لگتمالی اِنت۔
پانک ءَ سرجمیں پاکستان ءُ بزاں کراچی ءِ وڑیں شھراں بلوچ ورنایانی نشانگ کنگ ءُ زوربیگواھی ءِ برجاھیں درچ ءِ سر ءَ بژنیگ اِنت۔
پانک ءَ پاکستان ریاست ءُ آئی ادارھاں زاکر نور ءِ بیگواھی ءِ زمہ وار لیک اِتگ ءُ آئی زوتیں آجوئی ءِ لوٹ کرتگ۔
بنشون: درشان اکس: پانک
