بلوچ نیشنل مومنٹ ( بی این ایم ) ءِ چیئرمین ڈاکٹر نسیم بلوچ ءَ ماں چاگردی رسانکدر ایکس ءَ وتی پوسٹے ءَ نبشتگ کہ چہ ھب چوکی ءَ نادل بلوچ ءِ زوریں بیگواھی جتائیں ویلے نہ اَنت، بلکیں اے بلوچستان ءَ برجاھیں مچی سزا ءِ پالیسی ءِ بھرے۔
ڈاکٹر نسیم بلوچ ءَ گوشتگ کہ آ پیسر ءَ ھم بیگواہ کنگ بوتگ ءُ یکشل ءَ ترسینگ بوتگ۔ نوں پد ءَ پمشکا نشانگ کنگ بوتگ کہ آ بی این ایم ءِ پیشیگیں بنجاھی پتر ءِ باسک ڈاکٹر شے بلوچ ءِ برات اِنت۔ اے ریاستی ناشرکاری اِنت۔
بنشون: ایکس اکس؛ دامگ
