بلوچستان لبریشن پرنٹ(بی ایل ایپ) ءِ جارکش میجر گھرام بلوچ ءَ وتی درشان ءَ گوشتگ کہ سرمچاراں چار پروری ءَ چاگے ءِ ھند شھبیان ءَ سیندک پروجیکٹ ءَ کارکنوکیں دشتکین کمپنی ءِ پھازداریں پوجی کارمندانی چار گاڑیانی کاروان گوں تراکناکیں شورھاں نشانگ کرتگ۔ اُرش ءِ آسر ءَ کاروان ءِ یک گاڑی یے تباہ بوتگ۔ چہ ایشی ءَ دو کارمند مرتگ ءُ سَے سکا ٹپی بوتگ۔
آئی گوشتگ کہ سرمچاراں پنچ پروری ءَ نال ءَ پولیس ءِ یک چوکی یے انگیر کرتگ ءُ ھپت پولیس کارمند دزگیر کرتگ۔ آ جست ءُ پرس ءَ پد یل داتگ اَنت ءُ چوکی ءُ سرکاری گاڑی مانداشتگ اَنت۔ اے چوکی دمگ ءَ سرمچارانی تر ءُ گرد ءِ چارگ ءُ پہ تیل کشیں گاڑیانی واھندانی زر گرگ ءَ جوڑ کنگ بوتگ۔
آئی گوشتگ کہ سرمچاراں ھپت پروری ءَ جاؤ ءِ ھند ارہ ءَ آواران ءُ بیلہ ءِ شھدگ ءَ سنگر گپتگ ءُ زورگریں پاکستانی پوج ءِ پیادگیں کارمندانی ٹولی ءُ دو گاڑی گوں ٹوھیں سلاھاں نشانگ کرتگ اَنت۔ اُرش ءِ آسر ءَ پنچ کارمند مرتگ ءُ باز ٹپی بوتگ۔
میجر گھرام بلوچ ءَ درشان ءِ گڈی ءَ سَے ئیں کاروائیانی زمہ واری من اِتگ۔
بنشون: درشان اکس: زرمبش
