ھب چوکی ءَ پاکستانی پوج ءَ بیڑ برتگ ءُ جاؤ ءِ جاہ منندیں ورنایے آوار جنگ ءَ پد بیگواہ کرتگ۔
زرمبش جھگیر ءِ ردءَ زوربیگواھیں ورنا ءِ نام نادل بلوچ ء ھیر مھمد اِنت کہ جاؤ ءِ میتگ کوھڑو ءِ جاہ منند اِنت۔ دوشی دوازدہ ءَ پاکستانی پوج ءَ ھب چوکی ءِ ھند دارو ھوٹل ءَ گس ءَ بیڑ برتگ ءُ آوار جنگ ءَ پد بیگواہ کرتگ۔
نادل بلوچ ءِ بابت ءَ گوشگ بیت کہ آ مزدوری کنگ ءُ وتی کھول ءَ والینگ ءَ بوتگ۔
نادل بلوچ چہ ایشی ءَ پیش ھم 21 اپریل 2019 ءَ گوں وتی کستریں برات سدید بلوچ ءِ ھواری ءَ آوار جنگ ءُ بیگواہ کنگ بوتگ ، آ جنوری 2021 ءَ آجو بوتگ اَنت۔
ھندی بنشون ءِ رد ءَ نادل بلوچ ءِ کھول ءَ پنچ سال ءَ گیش اِنت کہ پاکستانی پوج ءَ چہ جاؤ ءَ پہ زور لڈینتگ اَنت ءُ آ ھب چوکی ءَ اتکگ اَنت۔
نادل بلوچ ءِ زوریں بیگواھی ءِ گپ آئی کھول ءَ راست کرتگ ءُ چہ انسانی ھکانی ادارھاں پہ آئی آجوئی ءَ توار چست کنگ ءِ لوٹ کرتگ۔
بنشون: زرمبش جھگیر اکس: دامگ
