بلوچ یکجھتی کمیٹی(بی وائی سی) ءَ وتی درشانے ءَ کشندہ ٹولی ءِ دست ءَ درکانودی کشگ بوتگیں بالاچ ھالد ءِ کوش ایر جتگ ءُ گوشتگ کہ بالاچ ء ھالد کہ پیسر ءَ زوربیگواہ کنگ بوتگ ءُ داں باز ماہ ءَ سی ٹی ڈی ءِ زندان ءَ بندیگ بوگ ءَ پد یل کنگ بوتگ اَت۔ یک مھکمیں ریاستی پالیسی ءِ رد ءَ یکشل ءَ نشانگ کنگ بوتگ۔ آئی سر ءَ باز بر ءَ اُرش کنگ بوتگ آ گڈی ءَ آ تُربَت ءَ شھید کنگ بوتگ۔
بی وائی سی ءِ رد ءَ بالاچ ھالد ھما وھد ءَ نشانگ کنگ بوتگ کہ آ اللہ داد ءِ کبر ءِ سر ءَ آئی اولی سالروچ ءِ درگت ءَ دوا لوٹگ ءَ شتگ ۔ کشندہ ٹولی ءَ آ نشانگ کرتگ ءُ کشتگ ءَ جستگ اَنت۔
آئی گوشتگ کہ اے ویل بلوچستان ءَ برجائیں زوریں بیگواھی ءُ درکانودی کوش ءِ درچ ءِ بھرے۔ چہ ایشی ءَ مھلوک ءِ ترسینگ، بے پھریزی ءُ ،چہ رنج گیش بہ بنت۔
آئی گوشتگ بلوچ یکجھتی کمیٹی تچک کنت کہ بالاچ ھالد ءِ کوش پہ زانت شوربندی ءُ ریاستی زوراکی اِنت۔ اے رویشت انسانی ھکانی گنتریں بگیری اِنت ءُ جھانی تک دلگوش ءَ گور بہ کنت۔
بنشون: درشان اکس: مونوگرام
