چہ شال ءُ جاو ءَپاکستانی پوج ءَ نودربر ے ءَ ھوار سے مردم آوار جتگ ءُ بیگواہ کتگ۔
ھندی بنشون ءِ رد ءَ بیگواھیں نودربر ءِ نام اسد اللہ ء زپر اللہ کرد انت کہ آئی ءِ امر 25 سال اِنت ءُ آ بلوچستان یونیورسٹی ءِ بی ایس ءِ نودربرے۔
کھول ءِ گوشگ انت کہ اسد اللہ ءَ پاکستانی چیریں ادارہ ءُ سی ٹی ڈی ءِ کارمنداں شال ءِ ھند بروری دگ ءَ چہ آئی گس ءَ آوار جتگ ءُ بیگوہ کتگ۔
ھمے وڑ ءَ چہ جاؤ ءِ ھند کوٹو ءَ پاکستانی پوج ءَ دو مردم آوار جتگ ءُ بیگواہ کتگ۔
زرمبش جھگیر ءِ رد ءَ بیگواہ بوتگیں مردمانی نام وھید ء مولا بکش ءُ سئید ءِ لال مھمد اِنت کہ آ کوٹو ءِ جھمنند اَنت۔
چوش کہ بلوچستان ءَ زور بیگواھی گوں ترندی ءَ برجاہ اِنت۔ ھمک روچ باز مردم بیگواہ کنگ بوگ ءَ اِنت۔
