آواران ءِ ھند جاؤ ءَ پجار نہ بوتگیں سلاہ بندیں مردماں پاکستانی پوج ءِ سر ءَ ارش کرتگ۔
زرمبش جھگیر ءِ رد ءَ سلاہ بندیں مردماں زی بیگاہ ءَ جاؤ ءِ میتگ زیلگ ءَ پوج ءِ چوکی ءِ سر ءَ گوں مزنیں سلاھاں ارش کرتگ۔ ارش ءِ آسر ءَ داں دیر ءَ تیر ءُ تراکانی توار اش کنگ بوتگ اَنت۔
بنشون ءِ رد ءَ دوشی جاؤ ءِ میتگ کوٹو ءَ ھم پاکستانی پوج ءِ بنجل ءِ نیمگ ءَ داں دیر ءَ تیر ءُ تراکانی توار اش کنگ بوتگ اَنت۔ انچوش گمان کنگ بوگ ءَ اِنت کہ سلاہ بندیں مردماں پوج ءِ بنجل ءِ سر ءَ ارش کرتگ۔
اے ارش ءِ زمہ واری انگت ءَ ھچ گل ءَ نہ زرتگ۔
بنشون: زرمبش جھگیر. اکس: زرمبش
