اکوام متھدہ ءِ سلامتی کونسل ءِ باسکاں سے شمبے ءِ روچ ءَ بلوچستان ءَانوگیں بوتگیں ارش ایر جتگ اَنت ءُ ناشرکار لیک اتگ، ایشی منسوبہ بندی ءُ مالی کمک کنوک ءُ سروکانی جست گرگ ءِ لوٹ کرتگ۔
اکوام متھدہءِ سلامتی کونسل ءِ نیمگ ءَ کونسل ءِ سروک جیمز کیریوکی ءَوتی درشانءَ گوں سانمندیں کھول، پاکستان سرکار ءُ گوں مھلوک ءَ ھمدردی درشان کرتگ ءُ پہ ٹپی بوتگیں مردمانی دراھی ءَ دوا لوٹ اِتگ۔
آئی ءَ اے وڑیں کاروائی پہ میان استمان ءِ سلامتی ءَ ترس لیک اِتگ اَنت ءُ درسیں ریاست زور داتگ اَنت کہ آ پہ میان استمانی کانود ءُ سلامتی کونسل ءِ بابت ءَ کرار داد ءِ رد ءَ وتی زمہ واریاں پیلو بہ کن اَنت ءُ پاکستان ءَ کمک بہ کن اَنت۔
چوش کہ اے کاروائی 31 جنوری 2026 ءَ بلوچ لبریشن آرمی ءِ نیمگ ءَ ھیروپ آپریشن ءِ دومی بھر ءِ رد ءَ یکیں وھد ءَ بلوچستان ءِ دوازدہ شھراں کنگ بوتگ اَنت۔
