چہ ھب چوکی ءَ پاکستانی پوج ءِ دست ءَ زوربیگواھیں پازدہ سالی ئیں نسرینہ بلوچ ءِ کھول ءَ گوشتگ کہ مئے نادراھیں جنک پاری 22 نومبر ءِ شپ ءَ پاکستانی پوج ءُ چیریں ادارھانی کارمنداں درکانودی کھول ءِ دیم ءَ آوار جتگ ءُ بیگواہ کرتگ۔ چہ ھما روچ ءَ کھول ھمک روچ جنجالانی دیمپان انت۔
آئی گوشتگ کہ یک برے پد ءَ ھم گوں سرکار، سیاسی،چاگردی ءُ انسانی ھکانی کارکناں لوٹ کن ایں کہ آ نسرینہ بلوچ ءِ آجوئی ءَ وتی انسانی پرز ءَ پیلو بہ کن اَنت ءُ رسانکدر ءَ توار چست بہ کن اَنت۔ نسرینہ ءَ ھوار درسیں بیگواھیں زالبول آجو کنگ بہ بنت یا آمیدگس ءَ پیش کنگ بہ بنت۔
