تربت ءِ میتگ گوگدان ءَ دوشی پاکستانی پوج ءَ یکبرے پد ءَ الی پکیر سنگھور ءِ گس ءَ بیڑ برتگ ءُ زوراکی کرتگ۔
کھول ءِ گوشگ اِنت کہ دوشی پاکستانی پوج ءَ بیڑ برگ ءِ میان ءَ گوں زھگ ءُ زالبولاں زوراکی کرتگ ءُ گس ءِ سولر ءُ آدگہ سامان ھم تاوان داتگ اَنت۔
آئی گوشگ اِنت کہ پوج ءَ ھمے میان ءَ الی پکیر سنگھور ءِ برات ھدا مرزی مجاھد سنگھور ءِ گس ءَ بیڑ برتگ ءُ آئی زھگ رھمت مجاھد آوار جتگ ءُ بیگواہ کرتگ۔ مجاھد رھمت یوسی کونسلرے۔
اے ھپتگ ءَ الی پکیر سنگھور ءِ گس ءَ اے دومی رند اِنت کہ پاکستانی پوج بیڑ برگ ءَ اِنت۔ چہ ایشی ءَ پیش پاکستانی پوج ءَ بیڑ برگ ءِ میان ءَ گوں زالبولاں زوراکی کنگ ءِ ھواری ءَ یک موٹرسائیکلے ھم برتگ۔
