گْوادر ءَ ھیروپ آپریشن ءِ میان ءَ چہ پاکستانی پوج ءِ تیرگواری ءَ دوازدہ مردم بیران ءُ دہ ءَ گیش ٹپی بوتگ۔
بنشون ءِ رد ءَ چہ بیران بوتگیں مردماں دو مردم ءِ نام نورمھمد پکیر زھری ء ملا جورک، آئی زھگ گلام ھسین اِنت ءُ دگہ مردینے ھم ھوار اِنت۔ دگہ چار زالبول ءُ پنچ زھگ اَنت۔ ٹپی بوتگیں مردمانی تہ ءَ گیشتر زھگ ءُ زالبول اَنت۔
کشگ بوتگیں مردمانی بابت ءَ گوشگ بوگ ءَ اِنت کہ ھزدار ءِ ھند زھری ءِ جاہ منند اَنت ءُ گْوادر ءَ مزدوری ءَ بوتگ اَنت۔ ھیروپ ارش ءِ میان ءَ پاکستانی پوج ءَ نشانگ کرتگ ءُ کشتگ اَنت۔
ھیروپ آپریشن ءِ میان ءَ چہ گْوادر ءَ جنگولیں زالبولے ءِ توار بند شنگ کنگ بوتگ کہ آئی گوشگ اِنت ما زھگ ءُ زالبول ڈن ءَ کش اِتگ اَنت کہ پاکستانی پوج ءَ تیرگواری کرتگ ءُ شھید کرتگ اَنت۔
