یونائیٹڈ بلوچ آرمی ءِ جارکش مزار بلوچ ءَ بی ایل اے ءِ ھیروپ آپریشن ءِ دومی بھر ءِ سرجم ءَ پلہ مرزی ءِ جار جتگ ءُ گوشتگ کہ ما وتی گنجاھشت ءِ رد ءَ ھر ھما راجی جھد ءُ مچی واھشتانی شریں وڑے ءَ اکلاکی، لیکھی ءُ کردی کمک ءِ کول ءَ کن ایں کہ آئی مول بلوچ راجی شرپ، آجوئی ءُ ھواریں نپانی پھازداری ءَ بہ بیت۔ گوں ایشی ھوار آپریشن ھیروپ ءِ دومی بھر ءَ بھر زرتگیں آجوئی لوٹوکیں نہ ترسیں بلوچ ورنایاں ستک شانی ندر کن ایں۔ آیانی بے مٹیں توکل ءُ راجی گیرت ءَ دروت ندر کن ایں۔ ما گوں آیانی مول ءَ وتی شریں وڑے ءَ یکجھتی، پلہ مرزی ءُ ھرپیمیں کمک ءِ جار ءَ جن ایں۔
آئی ءَ گوشتگ کہ بلوچستان ءَ ساڑی ئیں درسیں راجی آجوئی لوٹوکیں گل، بھرگ ءُ کارکناں سنگینی ءَ دلگوش دے ایں کہ آ انوگیں جاوراں وت ما وت اتھاد، ھواریں شوربندی ءُ مچی زمہ واریاں پیش بدار اَنت۔ گوں آ بلوچ ورنایاں ھوار اکلاکی، لیکھی ءُ چاگردی تک ءَ بہ اوشت اَنت کہ آ گوں نیک نیتی ءَ پہ بلوچ راجی آجوئی، راجی شرپ ءُ پہ سرڈگار ءِ وتواجھی ءَ جھد کنگ ءَ اَنت۔
جارکش ءَ گوشتگ کہ ما اے گپ ءَ تچک کن ایں کہ مئے مارشت ءُ لیکہ اے جھد چونیں ھم ٹولی، گل یا بھرگے ءِ نہ بلکیں سرجمیں بلوچ راج ءِ ھواریں نپ ءُ مچی پدریچ ءِ زرمبشت اِنت۔ پمشکا ما ھر ھما گل، ھمک ھما لیکہ ءُ ھمک ھما گامگیج ءِ راھبندی پلہ مرزی ءَ کن ایں کہ آ گوں نیک نیتی، ایمانداری ءُ راجی گیرت ءِ جوزگ ءَ پہ بلوچ راجی آجوئی ءُ مچی نپاں چست بوتگ۔
مزار بلوچ ءَ درشان ءِ گڈی ءَ گوں بلوچ مھلوک ءَ لوٹ کرتگ کہ کج ءَ ھم بلوچ ورنا ءُ راجی کارکنانی ساڑی بوگ ءِ ھال بوتگ، اود ءَ کمک، ھمدردی، چاگردی یکجھتی ءُ اکلاکی جوزگ ءَ پیش بدار اِت۔ یکے دومی ءِ کمک بہ بہ اِت ءُ راجی زانشت ءَ دیم ءَ بیار اِت دانکہ اے جھد یک مھکم، ھواریں زرمبشتے ءِ پیم ءَ دیم ءَ بیت۔
