چہ گْوادر ءُ ھاران ءَ پاکستانی پوج ءِ دست ءَ بیگواھیں دو مردم آجو بوتگ
اھوالکار ءِ رد ءَ چہ گْوادر آجو بوتگیں مردم ءِ نام نوربکش ء مھمد ابراھیم اِنت کہ جیونی ءِ ھند پانوان ءِ جھمنند اِنت۔ 27 جنوری ءَ پاکستانی پوج ءَ آوار جتگ ءُ بیگواہ کرتگ اَت۔ زی آجو بوتگ ءُ وتی گس ءَ سر بوتگ۔
ھمے وڑ ءَ چہ ھاران ءَ پاکستانی پوج ءِ دست ءَ بیگواہ کرتگیں اھمد سیاہ پاد آجو بوتگ۔
آجو بوتگیں اھمد سیاہ پاد ء ھاجی ابداللہ سیاہ پاد کہ ھاران بابو مھلہ ءِ جھمنند اِنت۔ پاکستانی پوج ءَ 17 جنوری ءَ آوار جتگ ءُ بیگواہ کرتگ۔ آ 28 جنوری ءَ آجو بوتگ ءُ وتی گس ءَ سر بوتگ۔
دوئیں مردمانی آجوئی ءِ گپ بلوچ یکجھتی کمیٹی ءَ راست کرتگ۔
