بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ چہ لیاری ءَ زاھد بارکزھی ء مھمد نسیم ءِ زوریں بیگواھی ایر جتگ ءُ گوشتگ کہ زاھد بارکزھی یک نامدار ءُ شرپمندیں مردمے، آ 27 جنوری 2026 ءَ شپ ءِ دو ءَ پاکستانی پوج ءَ آوار جتگ ءُ بیگواہ کرتگ۔
آئی ءَ گوشتگ کہ اے زوراکی لیاری، چاکیواڑہ ءَ گل مھمد لین ءَ بوتگ۔ چہ آوارجنی ءَ پد آئی بابت ءَ ھچ وڑیں سرپدی دیگ ءَ نہ اَنت چہ ایشی سوب ءَ آئی کھول ءُ ھندی مردم سکا جنجال اَنت۔
پانک ءَ چہ سرکار ءَ زاھد بارکزھی ءِ زوتیں آجوئی ءِ لوٹ کرتگ کہ آئی جاہ ءِ بابت ءَ گوشگ بیت ءُ پہ سلامتی ءُ کانودی ھکاں دلجمی دیگ بہ بیت۔
