بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی درشانے ءَ گوشتگ کہ سرمچاراں 25 جنوری ءَ آواران ءِ ھند کولواہ، کنیچی ءَ برجاھیں پاکستانی پوج ءِ بنجل ءِ سر ءَ اُرش کرتگ، اُرش ءِ آسر ءَ زورگریں پاکستانی پوج ءَ جانی ءُ مالی تاوان بوتگ۔
آئی گوشتگ کہ اے کاروائی ءِ سرجمیں تامر جوڑ کرتگ کہ آ زوت چہ بی ایل ایپ ءِ رسانکدری چینل آشوب ءَ شنگ کنگ بیت۔
آئی گوشتگ کہ سرمچاراں 25 جنوری ءَ وڈ ءِ ھند دریجی ءَ گرانھادیں سنگ بروکیں دو گاڑیانی ٹائر تیر جتگ ءُ تراکینتگ اَنت۔
میجر گھرام بلوچ ءَ درشان ءِ گڈی ءَ دوئیں کاروائیانی زمہ واری من اِتگ۔
