چہ شال ءَ پاکستانی پوج ءَ سوراب ءِ جھمنندیں سَے مردم آوار جتگ ءُ بیگواہ کرتگ۔
اھوالکار ءِ رد ءَ بیگواہ کرتگیں مردمانی نام ڈاکٹر شاھزین ء گلام ھیدر، جنید اھمد ء الی اھمد ءُ الی ریکی ء رشید اھمد اِنت کہ سے ئیں سوراب ءِ جاہ منند اَنت۔ پاکستانی پوج ءَ چہ شال ءِ جتائیں ھنداں آوار جتگ ءُ بیگواہ کرتگ اَنت۔
چہ بیگواھیں مردماں ڈاکٹر شاھزین ءُ الی اھمد ریکی 24 جنوری2026 ءَ چہ شال ءِ ھند اسپنی دگ ءَ آوار جنگ بوتگ اَنت۔جنید اھمد 23 جنوری 2026 ءَ چہ کواری دگ، چلڈرن نادراھجاہ ءَ آوار جنگ بوتگ ۔
