بلوچستان لبریشن پرنٹ (بی ایل ایپ) ءِ جارکش میجر گھرام بلوچءَ وتی درشانے ءَ گوشتگ کہ سرمچاراں 24 جنوری ءَ تمپءِ ھند بالیچہ ءَ برجائیں پاکستانی پوج ءِ بنجل ءِ سر ءَ گرنیڈ لانچر ءِ باز گولا آس داتگ کہ آ نشانگ ءَ لگ اتگ اَنت۔ اے اُرش ءِ آسر ءَ زورگریں پوج ءَ جانی ءُ مالی تاوان بوتگ۔
آئی گوشتگ کہ اے اُرش پاکستانی پوج ءِ کیمپ ءِ سر ءَ ھما وھد ءَ کنگ بوتگ کہ پوج ءِ سروکی ءَ یک دیوانے بوگ ءَ بوتگ کہ اے دیوان ءَ تیل ءِ باپاری کنوکیں گاڑیانی واھنداں ٹوکن ءِ لالچ دیگ ءُ پہ آدگہ پوجی بنجلاں راشن برگ ءَ ھوار آدگہ کاراں رازیگ کنگ ءِ جھد بوتگ ءَ اَنت۔
آئی گوشتگ کہ ما رسانکدر ءِ پارست ءَ پیسر ءَ ھم مردم کڈن کرتگ اَنت کہ کسے دژمنیں پوج ءِ چونیں کمکاری ءَ ھوار بیت آ وتی جانی ءُ مالی تاوان ءِ زمہ وار وت بیت۔
