ھزدار ءِ ھند اورناچ ءَ پاکستانی پوج ءَ گوں زھگ ءُ زالبولاں زوراکی کرتگ ءُ دو مردم آوار جتگ ءُ بیگواہ کرتگ۔
اھوالکار ءِ رد ءَ بیگواہ کرتگیں مردمانی نام یاسین ء بھرام ءُ یوسپ ء مھمد کریم اِنت کہ زی پاکستانی پوج ءُ کشندہ ٹولی ءِ کارمنداں بیڑ برتگ ءُ گوں زھگ ءُ زالبولاں زوراکی کرتگ ءُ آزار داتگ اَنت۔
ھندی بنشون ءِ رد ءَ کاروائی ءِ وھد ءَ پاکستانی پوج ءَ گساں زھگ ءُ زالبولانی ھم آوار جنگ ءِ جھد کرتگ کہ مردم گوں پوج ءَ گِر ءُ چیل بوتگ اَنت ھمے میان ءَ پوج ءَ زھگ ءُ زالبول جتگ اَنت ءُ ترسینتگ اَنت۔ یاسین ءُ یوسپ پہ زور برتگ اَنت کہ ھما اِنت آیانی ھچ ھال نیست۔
