بلوچ راجی رھشون ءُ بلوچستان آجوئی سنگر ( بی ایل ایپ ) ءِ سروک ڈاکٹر اللہ نزر ءَ ماں چاگردی رسانکدر ایکس ءَ پاکستان ءِ وتگڑیں گچینکاری ءِ بابت ءَ نبشتگ کہ گوں بلوچ راج ءَ دز بندی انت کہ آؤکیں گچینکاری ءَ بھر مہ زور ایت۔ ھر بلوچ سرپد کنگ بہ بیت کہ اے اسمبلی مئے لکاں مردمانی کُشگ، گار ءُ بیگواہ کنگ ءُ درانڈیھ کنگ ءُ میتگانی بلڈوزر کنگ ءَ ھوار اِنت۔ اے اسمبلیانی باسک وت منّ انت کہ مارا کس جُست نہ کنت۔
آئی ءَ گوشتگ کہ ما شما دیست کہ ھمیشانی وسیلہ ءَ سی پیک ءِ نام ءَ گوادر بھا کنگ بوت۔ مرچی ایشی ھپتاد ءُ پنچ درسد چین ءُ بیست ءُ پنچ درسد اسلام آباد ورگ ءَ انت۔ اے بے سوبیاں پارلیمان پرست وت منّ اَنت۔ دیم ءَ اے دگہ چے کت کن انت۔ بلوچ راج وت پیسلہ بہ کنت۔
