گوادر ءِ ھند جیونی ءَ پاکستانی پوج ءَ دو براس آوار جنگ ءَ پد بیگواہ کرتگ۔
بنشون ءِ رد ءَ پاکستانی پوج ءَ جیونی ءَ نامداریں سیاسی سروک مھمد ھسن ءِ گس ءَ بیڑ برتگ ءُ آئی دو زھگ بالاچ ء مھمد ھسن ءُ اھسان ء مھمد ھسن آوار جتگ ءُ بیگواہ کرتگ اَنت۔
کھول ءِ گوشگ انت کہ پاکستانی پوج ءُ کشندہ ٹولی ءِ کارمنداں گس ءَ بیڑ برتگ زھگ ءُ زالبول چہ واب ءَ پاد کرتگ اَنت، گس پٹ ءُ پول کرتگ اَنت۔
آئی ءَ گوشتگ کہ پوج ءَ بالاچ ءُ اھسان درکانودی آوار جتگ ءُ برتگ اَنت، آیانی بابت ءَ مارا ھچ سرپدی دیگ نہ بوتگ۔ چہ زھگانی بیگواھی ءَ مئے سرجمیں کھول جنجالانی دیمپان انت۔
کھول ءَ گوں سرکار ءَ لوٹ کرتگ کہ اھسان ءُ بالاچ ءَ دیم ءَ آرگ ءُ کانود ءِ رد ءَ جست گرگ بہ بنت۔
