بلوچ یکجھتی کمیٹی ءَ وتی درشان ءَ گوشتگ کہ شال ءَ سرکاری نوکر ءُ زھرشانی کنوکانی بگیری ءَ زوراکی ھمے راستیءَ پاشک کنت کہ ریاست چہ مھلوک ءِجیڑھانی گیش ءُ گیوار کنگ ءَ ابید زوراکی کنت۔ اے رویشت نہ تھنا زوراکی اِنت بلکیں مھلوک ءِ بنکی ھکانی سر ءَ تچکیں ارشے۔
آئیءَ گوشتگ کہ ما ریاست ءِزوراکیاں گوں ترندیں دانکاں ایر جن این کہ چہ ایشی پارست ءَ پر ایمنیں زھرشانی، آئینی ھک ءُ جمھوری توار ءِ زور ءَ دارگ ءِ جھد کنگ بوگ ءَ اِنت۔
آئی ءَ گوشتگ کہ ما تچک ءَ گوش ایں اے وھد ءَ پگارانی لوٹ کنگ ھچ وڑیں میارباری یے نہ اِنت بلکیں یک بنکی ھکے۔ پر ایمنیں زھرشانی ، بے میار ءَ دزگیری ءُ ترسینگ آئین ءُ جمھوری واک ءُ انسانی شرپ ءِ سر ءَ تچکیں ارشے۔ اے وڑیں گامگیج زوراکیاں گیش کنت۔
آئی ءَ گوشتگ کہ بی وائی سی ھمے لوٹ ءَ کنت کہ درسیں دزگیر کرتگیں زھرشانی کنوکیں سروک زوت یل کنگ بہ بنت، سرکاری نوکرانی ھکی ءُ کانودی لوٹ منگ بہ بنت ءُ زوراکی ھلاس کنگ بہ بیت ءُ گوں سنگینی ءَ گپ ءُ تران کنگ بہ بیت۔
