وائس پار بلوچ مسنگ پرسن ( وی بی ایم پی ) ءَ وتی درشانے ءَ گوشتگ زور بیگواھیں ابدلکھار کمبرانی ءُ منسور کمبرانی کھول ءَ گوں گل ءَ رھوت کرتگءُ گوشتگ کہ پاکستانی پوج ءَ ھمے سال ءِ 16 جنوری ءَ شپ ءِ دوازدہ ءَ شال ءِ ھند کلی کمبرانی ءَ بیڑ برتگ ءُ الکھار ء ابدالجبار کمبرانی ء ُمسور ءاپزل کمبرانی آوار جتگ ءُ بیگواہ کرتگ اَنت۔
کھول ءِ گوشگ اِنت کہ آیاں باز بر ءَ گوں انتزامیہ ءَ رھوت کرتگ بلے ابدلکھار ءُ مسور ءِ آوار جنی ءِ بابت ءَ ھچ گوشگ ءَ نہ اَنت ءُ نہ آیانی بابت ءَ مارا سرپدی دیگ ءَ اَنت، چہ ایشی سوب ءَ مئے کھول سکا جنجال اِنت۔
آئی ءَ گوشتگ کہ گل ءِ چیئرمین نسر اللہ بلوچ ءَ ابدلکھار ءُ مسور ءِ زوریں بیگواھی ءُ کھولانی ھال نہ دیگ شھریانی بنکی ھکانی لگتمالی لیک اِتگ ءُ ایر جتگ چہ سرکار ءَ لوٹ کرتگ کہ پہ دوئیں ورنایانی آجوئی ءَ دلجمی دیگ بہ بیت۔
آئی ءَ گوشتگ کہ اگاں ابدلکھار ءُ مسور ءِ سر ءَ چونیں ھم بھتامے ھست آ دیم ءَ آرگ بہ بنت ءُ آیانی کھول چہ اے رنجاں کشگ بہ بنت۔
