بلوچستان لبریشن پرنٹ (بی ایل ایپ) ءِ جارکش ءَ میجر گھرام ءَ وتی درشانے ءَ گوشتگ کہ سرمچاراں پازدہ جنوری ءِ نیمروچ ءِ دو ءُ نیم ءَ گل ءِ شوربندی ءِ رد ءَ کاروائی کرتگ ءُ ھاران ءِ سرجمیں شھر دستیگ کرتگ۔ کاروائی ءِ بندات ءَ سرمچارانی یک ٹولی یے ءَ ھاران پولیس تانہ ءِ سر ءَ اُرش کرتگ ءُ درسیں کارمند دزگیر کرتگ اَنت ءُ تانہ ءَ ایریں سرکاری درسیں سلاہ ءُ آدگہ سامان دستیگ کرتگ اَنت۔ تانہ ءَ بندیگیں درزناں گیش زندانی یل کرتگ اَنت۔ کاروائی ءِ سرجم بوگ ءَ پد تانہ ءِ ماڑی، سرکاری ریکارڈ ءُ پولیس ءِ گاڑی تاوان داتگ اَنت۔
آئی گوشتگ کہ ھمے میان ءَ سرمچارانی یک دگہ ٹولی یے ھاران ءِ مزنیں بازار ءَ پترتگ ءُ نیشنل بینک، میزان بینک، الھبیب بینک ءُ آدگہ سرکاری نزام نشانگ کرتگ ءُ دژمن ءَ باز تاوان داتگ۔ بینک ءِ پھازدار ءَ سرمچارانی سر ءَ اُرش کنگ ءِ جھد کرتگ کہ سرمچاراں نشانگ کرتگ ءُ کشتگ۔ سرمچاراں بازار ءَ کشندہ ٹولی ءِ سروک شاھد گل ملازئی ءِ کارمندانی سر ءَ ھم اُرش کرتگ کہ چہ ایشی ءَ ابدُلھکیم ءُ گلام ھسین نامیں دو کارمند ٹپی بوتگ۔
آئی گوشتگ کہ سرمچارانی کاروائی ءِ پھازداری کنگ ءَ گل ءِ جھلی ادارہ کربان یونٹ ءِ یک ٹولی یے ءَ ریڈ زون ءَ دگ بستگ ءُ پہ دژمن ءِ کمک ءَ آیوکیں پاکستانی پوج ءِ سئے گاڑیانی کاروانے گوں ٹوھین ءُ نوکیں سلاھاں نشانگ کرتگ۔ اے اُرش ءَ پوج ءِ پازدہ کارمند مرتگ ءُ سئے ئیں گاڑی سرجم ءَ تباہ بوتگ اَنت۔ سرمچاراں مرتگیں کارمندانی سلاہ دستیگ کرتگ اَنت۔ کربان یونٹ ءِ کمانڈر ابدُلرازک پنام بارگ جان ٹپی بوگ ءَ ابید گوں وتی ٹولی ءَ جنگجاہ ءَ داں گڈی ءَ اوشتاتگ ءُ مھکمی ءَ وتی زمہ واری پیلو کرتگ۔
جارکش ءَ گوشتگ کہ ریڈ زون ءِ جنگ ءَ مرتگیں کارمندانی لاشانی چست کنگ ءَ آیوکیں پوج ءِ ٹولی سرمچاراں نشانگ کرتگ۔ پوج ءِ بکتر بند گاڑی ءُ پیادگیں کارمنداں سرمچارانی انگر کنگ ءِ جھد کرتگ۔ چہ ایشی ءَ سرمچارانی ءُ پوج ءِ میان ءَ ترندیں میڑے بوتگ کہ داں سے اداراں برجاہ بوتگ۔ مھکمیں شوربندی ءِ رد ءَ اے دیم پہ دیمی میڑ ءَ پاکستانی پوج ءِ دگہ 27 کارمند مرتگ ءُ بازیں کچے ءَ ٹپی بوتگ۔ دو بکتر بند گاڑی سرجم ءَ تباہ بوتگ۔ آدگہ بکتر بند گاڑی ءُ کارمند پشت ءَ کنز اِتگ اَنت ءُ مرتگیں کارمندانی لاش ھما جاہ ءَ یل داتگ ءُ تتکگ اَنت۔
جارکش ءَ گوشتگ کہ شپ ءِ ادار ھپت ءَ ھاران ءِ ھند کلان ءَ پاکستانی پوج ءِ کارمنداں بازیں کچے ءَ بکتر بند گاڑی ءُ آدگہ گاڑیانی کاروانے ءَ دیم ءَ آیگ ءِ جھد کرتگ کہ آیانی تہ ءَ ایس ایس جی کمانڈو ھم ھوار بوتگ۔ سرمچارانی یک دگہ ٹولی یے ءَ گوں ٹوھین ءُ نوکیں سلاھاں چہ سک ءَ نزیک ءَ آیانی سر ءَ اُرش کرتگ کہ اے اُرش داں شپ ءِ ادار یک ءَ برجاہ بوتگ۔ اے اُرش ءِ آسر ءَ پوج ءِ سَے گاڑی سرجم ءَ تباہ بوتگ ءُ درزنانی کچ ءَ کارمند مرتگ ءُ باز ٹپی بوتگ۔ مرتگیں کارمنداں ھشت ایس ایس جی کمانڈو ھم ھوار اِنت۔ آدگہ کارمنداں وتی مرتگین ءُ ٹپی بوتگیں کارمند یل داتگ ءُ تتکگ اَنت۔ سرمچاراں مرتگیں کارمنداں لھتیں کارمندانی سلاہ ءُ آدگہ سامان ھم دستیگ کرتگ اَنت۔
جارکش ءَ گوشتگ کہ اے ترندیں میڑ ءَ کربان یونٹ ءِ سرمچار سنگت ھپیز پنام یاسر بلوچ دیم پہ دیمی میڑ ءَ شھید بوتگ۔ ھمے میان ءَ گل ءِ جھلی یونٹ اسنائپر ٹیکٹیکل اسکواڈ ءِ سرمچاراں وتی جنگی رپککار گپتگ اَنت ءُ پوج ءِ یک اسنائپر شوٹرے ءَ ھوار ھشت کواڈ کاپٹر ھم نشانگ کرتگ ءُ تباہ کرتگ اَنت۔
آئی گوشتگ کہ کاروائی ءَ درسیں نشانگانی سرجم کنگ ءَ پد سرمچاراں وتی سنگر یل کرتگ ءُ وتی بندرانی نیمگ ءَ شتگ اَنت۔ چہ ایشی ءَ پد پوج ءَ کوھی دمگاں سرمچارانی سر ءَ برزی اُرش کرتگ ءُ ڈرون ءِ سر ءَ دو میزائل جتگ کہ چہ ایشی ءَ کیپٹن سرمچار مبین بلوچ پنام ملا رھمین ءُ سرمچار مھسن بلوچ پنام مرید شھید بوتگ اَنت۔ بی ایل ایپ ءِ سرمچاراں اے کاروائی ءَ شھید بوتگیں سرمچاراں سَے شھیدانی لاش کش اِتگ ءُ گلزمین ءِ میار کرتگ اَنت۔
جارکش ءَ گوشتگ کہ اے نُھ ادار ءِ دراجیں میڑ ءَ پاکستانی پوج ءِ کمانڈر کرنل ودھان ءُ میجر آسم ءَ ھوار باز کارمند ٹپی بوتگ۔ نائب سوبیدار شپکت ءَ ھوار پنجاہ ءَ گیش دژمن ءِ کارمند مرتگ۔
آئی گوشتگ کہ شھیدیں سرمچارانی سرجمیں درشان رند ءَ شنگ کنگ بیت۔
میجر گھرام بلوچ ءَ دژمن ءِ بگیری ءَ ھاران آپریشن ءِ زمہ واری من اِتگ ءُ گوشتگ کہ ھمے کول ءَ کن ایں کہ داں بلوچستان ءِ آجوئی ءَ زورگریں دژمن ءُ آئی شوربندیانی سر ءَ اُرش برجاہ بنت۔
