شال : بلوچ آجوئی لشکر (بی ایل اے) ءِ جارکش آزاد ءَ ماں رسانکدر ءَ وتی شنگ کُرتگیں درشانے ءَ پلیری ءَ پاکستانی لشکر ءِ سر ءَ بمب اُرش ءِ زمہ واری منّ اِتگ ءُ گْوشتگ کہ گْوستگیں روچ ءَ سرمچاراں گوادر ءِ ھند پلیری ءَ زورگریں پاکستانی لشکر ءِ نشانگ کنگ ءَ کوسٹل ہائی وے سر ءَ بمبے چیر کُرتگ۔ کمے دیر ءَ پد یک راھگوزے ءَ بمب دیستگ ءُ ھندی کونسلر ءِ ھال داتگ۔ کونسلر ءَ زورگریں ریاست ءِ ادارہ ھال داتگ اَنت۔بیگاہ ءَ بنامیں سی ٹی ڈی ءِ کارمند بمب ءِ چیر کنگ ءِ جاہ ءَ اتکگ اَنت ءُ بمب ءِ زوال کنگ ءِ جھد اِش کُرتگ کہ ھمے میان ءَ سرمچاراں بمب تراکینتگ۔ تراک ءِ آسر ءَ بلوچ چکچینی ءَ پُرکاریں ادارہ سی ٹی ڈی ءِ دو کارمند ٹپی بیتگ۔
بی ایل اے ءِ جارکش آزاد ءَ گْوشتگ کہ ما بلوچ راج ءَ گْوشگ لوٹ ایں کہ آ وتی راجی زمہ واریاں بہ زانت ءُ سرمچارانی کارانی بابت ءَ دژمن ءَ سرپدی مہ دنت۔ چہ ایشی ءَ ابید ھندی چیئرمین، کونسلر ءُ آدگہ وتگڑیں سیاسی سروکاں گوں تُرندی ءَ کڈن کن ایں کہ آ وتی کَد ءَ بزان اَنت ءُ گوں دژمن ءَ وپادری کنگ ءَ پھریز بہ کن اَنت۔
آئی ءَ گْوشتگ کہ سرمچارانی ھر پیمیں چِست ءُ ایرانی بابت ءَ زورگریں ریاست ءِ ادارھان ءَ سرپد زورگر ءِ گون ءَ شریدار بیگ اِنت اے یک راجی میارباری یے۔
