کیچ: پاکستانی لشکر ءَ دوشی شپ ءِ ادار دو ءَ چہ تجابان سنگاباد ءَ نودربرے آوار جتگ۔
بنشون ءِ رد ءَ آوار جنگ بیتگیں نودربر ءِ نام بھادر ء چاکر جھمنند تجابان سنگاباد اِنت۔ پاکستانی لشکر ءَ دوشی تجابان سنگاباد ءَ آئی ءِ گِس ءَ بیڑ بُرتگ ءُ آوار جتگ۔
بھادر شال ءَ بلوچستان زانشتجاہ ءَ بی سی ءِ سیمی سال ءَ وانگ ءَ بیتگ۔
کھول ءَ مرچی تجابان ءَ زھرشانی کُرتگ ءُ راہ بستگ، آیانی لوٹ ھمیش اِنت کہ بھادر یل کنگ بہ بیت۔
کھول ءِ گْوشگ اِنت کہ بھادر یک بے میاریں مردمے ھچ وڑیں چست ءُ ایراں گون نہ بیتگ۔پاکستانی لشکر ءَ ناھک ءَ آوار جتگ ءُ بیگواہ کُرتگ۔
آیاں گْوشتگ کہ اگاں پاکستانی لشکر ءَ بھادر یل نہ کُت گڑا ما تربت ءَ زھرشانی ءَ نندیں۔
