بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ گوشتگ کہ بی ایل ایپ ءِ چیریں بھرگ ءِ ھال دیگ ءِ پژدر ءَ کاروائی کرتگ ءُ یک جنوری 2026 ءَ سوراب ءِ ھند ماراپ ءَ ریاستی چریک میرجان ء بھائی جان کہ سوراب ءِ ھند ماراپ ءِ جاہ منند اِنت دزگیر کرتگ۔جست ءُ پرس ءِ میان ءَ آئی من اتگ کہ 25 دسمبر 2025 ءَ کلات ءِ ھند پارود ءَ گل ءِ اوتاک ءَ پہ ڈرون ارش ءَ آئی چپ چیر داتگ۔ھمے ارش ءَ گل ءِ پنچ سرمچار شھید بوتگ۔
آئی ءَ گوشتگ کہ میرجان جست ءُ پرس ءِ میان ءَ وت من اتگ کہ آئی ءَ سالے بیت پہ دژمن ءَ چاریگی کنگ ءَ اِنت۔ آ ریاستی کشندہ ٹولی ءِ سروک ءُ پاکستانی پوج ءِ گوشگ ءِ پد ءَ پہ اوتاک ءَ سر بوگ ءُ چاریگی کنگ ءَ گل ءَ ھوار بوتگ ءُ اوتاک ءَ اتکگ۔
جارکش ءَ گوشتگ کی لھتیں سال پیش میرجان پہ وتی کاروائی ءَ گوں بی ایل ایپ ءِ سنگتاں رھوت کرتگ ءُ گل ءَ ھوار بوگ ءِ گوشتگ، چہ پٹ ءُ پول ءَ پد آ پہ ھیلکاری ءَ اوتاک ءَ دیم دیگ بوتگ اود ءَ آ چیرجنگی راھبندانی پاسداری نہ کنگ ءِ سوب ءَ چہ اوتاک ءَ کشگ بوتگ۔ پد ءَ ھم بلوچ بوگ ءِ بنیاد ءَ گوں آئی ءَ نرمی ءَ پیش بوتگ اَنت ءُ چہ دلجمی دیگ ءَ پد یل داتگ کہ آ بلوچ راجی آجوئی زرمبشت ءِ بگیری ءَ کار مہ کنت۔بلے ریاستی چریک میرجان ءَ ھمے میان ءَ ھیلکاری اوتاک ءَ ڈرون چپ چیر داتگ ءُ چہ آئی روگ ءَ سے روچءَ پد اوتاک ءِ سر ءَ ڈرون ارش بوتگ اود ءَ گل ءِ ھیلکاری کماندار شھید ابدالاھد پنام گزین بلوچ گوں چار سنگتاں شھید بوتگ۔
آئی ءَ گوشتگ کہ چریک میر جان ءِ وتی راجی میارباریانی منگ ءِ تامربند گل ءِ کِر ءَ ایر اِنت، زوت چہ گل ءِ رسانکدری تندجاہءَ شنگ کنگ بیت۔
میجر گھرام بلوچ ءَ درشان ءِ گڈی ءَ ریاستی چریک میرجان ء بھائی ھان ءِ کوش ءِ زمہ واری منّ اتگ۔
