شال: بلوچ یکجھتی کمیٹی ءِ زھرشانی زرمبشت ءِ سروک ڈاکٹر ماہ رنگ ءَ باند ءَ بی وائی سی ءِ زھرشانی ءَ ھوار بوگ ءِ لوٹ ءَ وتی تامربندے ءَ گوشت کہ 27 جنوری ءَ شال ءَ مچی یے برجم دارگ بوگ ءَ اِنت من گوں درساں ھمے دزبندی ءَ کناں کہ بیا اَنت ءُ ھمے مچی ءَ بھر بزور اَنت۔
![](https://zrumbesh.com/wp-content/uploads/2024/01/1000210381.jpg)
ڈاکٹر ماہ رنگ ءَ گوں جنیناں دلگوش گور کرتگ ءُ گوشتگ کہ من گوں وتی راج جنیناں ھمے لوٹ ءَ کناں کہ یک راجے ءِ جنین ءُ مرد یک وڑ اَنت شمارا ھم ھمے مچی ءَ آھگ ءُ بھر زورگی اِنت۔
آئی ءَ دیمتر ءَ گوشتگ کہ بلوچ یکجھتی کمیٹی ءِ نیمگ ءَ مچی ءِ درگت ءَ ھرچی کہ گوشگ بوتگ ھمیشانی ھیالداری کنگ سکا ھژری اِنت، بی وائی سی ءِ مچی ءِ تہ ءَ ھچ وڑیں بیرک ءِ آرگ ءِ موکل نیست اِنت ءُ نیکہ دومی پارٹیانی بیرک ءُ بینرانی دور دیگ ءُ سوچگ ءِ موکل ھست اِنت۔
ڈاکٹر ماہ رنگ ءَ گوشتگ کہ ھمے زرمبشت بلوچ راج ءَ آرتگ ءُ اے جاہ ءَ سر کرتگ گڑا مئے ءُ شمئے درسانی زمہ واری اِنت کہ اے زرمبشت ءِ ھیالداری ءَ بہ کن ایں، درسیں مردم وت ءَ باند ءَ وت ءَ مچی ءِ جاہ ءَ سر بہ کن اِت۔