چہ ھزدار ءَ پاکستانی پوج ءِ دست ءَ زوربیگواہ کرتگیں چنگیز بلوچ ءِ زوریں بیگواھی ءِ دوازدہ سال سرجم بوگ ءَ کمپینے برجم دارگ بوگ ءَ اِنت۔
زوربیگوھیں چنگیز بلوچ پاکستانی پوج ءَ 11 جنوری 2014 ءَ چہ ھزدار ءَ آوار جتگ ءُ بیگواہ کرتگ کہ آئی زوریں بیگواھی ءَ 11 جنوری 2026 ءَ دوازدہ سال سرجم بوگ ءَ اِنت۔ ھمے درگت ءَ ماں چاگردی رسانکدر ایکس ءَ کمپینے برجم دارگ بوگ ءَ اِنت کہ کمپین شپ ءِ ادار ھشت ءَ بندات بیت دانکہ ادار دوازدہ ءَ آسر بیت۔
گوں درسیں انسان دوستیں مردم، سیاسی ءُ چاگردی کارکنان، نودربر، وکیل ءُ انسانی ھکانی کارکناں لوٹ کنگ بوتگ کہ کمپین ءَ بھر بہ زور اِت ءُ پہ چنگیز ءِ آجوئی ءَ توار چست بہ کن اِت۔
