کراچی ءَ پاکستانی چیریں ادارھانی کارمنداں بیڑ برتگ ءُ ھمدان بلوچ آوار جنگ ءَ پد بیگواہ کرتگ۔
بنشون ءِ رد ءَ بیگواھیں ھمدان بلوچ ء مھمد الی کیچ ءِ ھند دشت ءِ جاہ منند اِنت کہ آئی ءَ دیر اِنت کراچی ءَ نشتگ۔ پاکستانی چیریں ادارھانی کارمنداں 30 دسمبر 2025 ءَ چہ کراچی ءِ ھند ریکسر ءَ گس ءَ آوار جتگ ءُ بیگواہ کرتگ۔
آئی زوریں بیگواھی بی این ایم ءِ انسانی ھکانی ادارہ پانک ءَ ایر جتگ ءُ گوشتگ کہ اے وڑیں گامگیج انسانی ھکانی لگتمالی اِنت۔
پانک ءَ لوٹ کرتگ ءُ گوشتگ کہ ھمدان بلوچ زوت دیم ءَ آرگ ءُ پہ سلامتی یل کنگ بہ بیت۔
