روکپتی بلوچستان: شمسر ءَ چہ سلاہ بندیں مردمانی تیرگواری ءَ پَنجگُور ءِ جھمنندیں ورنایے بیران بوتگ۔
اھوالکار ءِ رد ءَ بیران بوتگیں مردم ءِ نام سمید اللہ ء نیاز مھمد اِنت کہ پَنجگُور ءِ ھند پروم ءِ جھمنند اِنت۔ دوشی پرپٹ سواریں سلاہ بندیں مردماں نشانگ کرتگ ءُ کشتگ۔
کشگ بوتگیں سمیداللہ ءِ بابت ءَ گوشگ بوگ ءَ اِنت کہ آئی چہ پَنجگُور ءَ پاکستانی پوج ءِ زوراکیانی سوب ءَ لڈ ءُ بار کرتگ ءُ دیر انت کہ روکپتی بلوچستان ءَ آتکگ ءُ نشتگ۔
