پاکستانی پوج ءِ دست ءَ بیگواہ کنگ بوتگیں سگیر اھمد ءِ گھار ءَ ماں رسانکدر ءَ وتی شگ کرتگیں تامر بندے ءَ گوشتگ کہ منی برات سگیر اھمد ءُ ناکوزتک اکرار بلوچ ءَ پاکستانی پوج ءَ 11 جون 2025 ءَ آوارجتگ ءُ بیگواہ کرتگ کہ آیانی زوریں بیگواھی ءَ چار ماہ سرجم بوتگ کہ انگت آیانی ھچ ھال نیست کہ آ چون ءُ کج ءَ اَنت۔
آئی گوشتگ کہ اگاں منی برات ءُ ناکو زتک ءِ سر ءَ چونیں ھم بھتامے ھست گڑا آمیدگس ءَ پیش کنگ بہ بنت ۔ اگاں آ بے میار اَنت زوت آجو کنگ بہ بنت۔
آئی گوں بلوچ راج ءَ لوٹ کرتگ ءُ گوشتگ کہ پہ منی برات ءُ ناکو زتک ءِ آجوئی ءَ منی توار چست بہ کن اِت۔
