دو روچ پیش سھاکی ءَ چہ پاکستانی پوج ءِ تیرگواری ءَ ٹپی بوتگیں جنین دردانگ بلوچ ءِ کھول ءَ زھرشانی ءَ سی پیک دگ بند کرتگ۔ زھرشانی ءَ مردماں بازیں کچے ءَ بھر زرتگ۔
زھرشانی کنوکیں مردمانی گوشگ اِنت کہ بالگتر ءِ میتگ سھاکی ءَ 8 دسمبر ءَ پوج ءَ گسانی سر ءَ تیرگواری کرتگ ایشی آسر ءَ نزیر اھمد ءِ لوگبانک دردانگ ٹپی بوتگ۔ آ پہ الاج ءَ تُربَت نادراھجاہ ءَ برگ ءَ پد پہ گیشیں الاج ءَ کراچی ءَ دیم دیگ بوتگ۔
آیاں لوٹ کرتگ ءُ گوشتگ کہ اے ویل ءِ بابت ءَ پٹ ءُ پول کنگ بہ بیت ءُ اے زوراکی ءَ ھواریں مردم دزگیر کنگ ءُ جست گرگ بہ بنت۔ دانکہ گوں کھول ءَ انساپ کنگ نہ بوتگ مئے زھرشانی برجاہ بیت۔
