اوگانستان ءِ سیمسری ھند اسپین بولدک ءَ پاکستان ءُ اوگانستان ءِ میان ءَ میڑ ءَ جنین ءُ زھگاں ھوار چار مردم بیران بوتگ۔
کندھار ءِ ڈاکٹرانی گوشگ اِنت کہ دوشی ئیں میڑ ءَ چار شھری بیران ءُ چار ٹپی بوتگ کہ بیران بوتگیں مردمانی تہ ءَ یک جنینے ءُ زھگے ھم ھوار اِنت۔ چہ ٹپی بوتگیں مردماں دو ءِ جاور ناگیگ اَنت۔
بولدک ءِ جھمنندیں مردمانی گوشگ اِنت کہ دوشی داں دیر ءَ میڑ برجاہ بوتگ ءُ مرچی سھب ءَ میڑ ھلاس بوتگ۔
