بلوچ لبریشن آرمی ( بی ایل اے ) ءِ جارکش آزاد بلوچ ءَ وتی شنگ کرتگیں درشانے ءَ گوشتگ کہ 3 دسمبر ءَ مئے سرمچاراں واشک ءِ ھند پلنتاک ءَ پولیس ءِ تانہ ءِ سر ءَ ارش کرتگ ءُ پولیس دزگیر کرتگ اَنت ءُ تانہ مانداشتگ پولیس کارمنداں گوں سلاھاں ھوار یل داتگ اَنت۔
آئی ءَ گوشتگ کہ ھمے ارش ءِ رد ءَ بی ایل اے درسیں بلوچ پولیس کارمندانی بابت ءَ وتی پالیسی ءَ گوش ایت کہ گل چونیں ھم بلوچ کارمندے ءَ داں ھما وھد ءَ تاوان نہ دنت ءُ آئی سلاھاں نہ پل ایت کہ آ سرمچارانی آپریشن ءِ میان ءَ دزمانجنی مہ کنت ءُ راجی زرمبشت ءِ بگیریں کاراں ھوار مہ بیت۔ پلنتاک ءَ بی ایل اے ءَ ھندی پولیس کارمندانی سلاہ پمشکا نہ پل اتگ اَنت کہ گل ءَ آ کمشرپ کنگ نہ لوٹ اِتگ اَنت۔ ما ھندی پولیس کارمنداں گوں ترندیں دانکاں ھمے کلوہ ءَ دے ایں کہ اگاں آ زندگ بوگ ءُ وتی زھگانی لاپاں والینگ لوٹ اِت گڑا بلوچ سرمچار ءُ زورگریں پوج ءِ میان ءَ برجاھیں جنگ ءَ وت ءَ ھوار مکن اِت، ایشی جاہ ءَ گل آیاں ھمک جنگ ءُ آپریشن ءَ گوں سلاھاں ھوار یل کنت۔
جارکش ءَ گوشتگ کہ 2 دسمبر ءَ مئے سرمچاراں پَنجگُور ءِ ھند سوراپ ءَ مادن بروکیں یک گاڑی یےمانداشتگ ءُ ڈرائیور ءُ شاگرد پہ ھندی بلوچ بوگ ءِ بنیاد ءَ یل داتگ اَنت۔
آزاد بلوچ ءَ وتی درشان ءِ گڈی ءَ گوشتگ کہ اے جنگ ءَ بی ایل اے داں یک آجو ءُ وتواکیں سرڈگارے ءِ گِرگ ءَ برجاہ دارگ ءِ کول ءَ کنت۔
