بلوچ نیشنل موومنٹ ( بی این ایم ) نیدرلینڈز چیپٹر ءَ وتی شنگ کرتگیں جارے ءَ گوشتگ کہ انسانی ھکانی میان استمانی روچ 10 دسمبر 2025 ءِ درگت ءَ نیدرلینڈز روانکے کشگ ءُ زھرشانی کنگ بیت۔
آئی ءَ گوشتگ کہ اے زھرشانی ءِ مول بلوچستان ءَ برجاھیں چکچینی، زوریں بیگواھی ءُ انسانی ھکانی لگتمالیانی سر ءَ میان استمانی تک ءِ سرپد کنگ اِنت۔
آئی ءَ لوٹ کرتگ ءُ گوشتگ کہ پہ انساپ، آجوئی ءُ پہ انسانی شرپ ءَ توار چست بہ کن اِت۔
جار ءِ رد ءَ اے زھرشانی روانک چہ دی ھیگ سینٹر ءَ درکپ ایت ءُ ڈچ پارلیمنٹ ءِ دیم ءَ کیت ءُ زھرشانی کنت، زھرشانی ءِ وھد ءُ پاس دہ دسمبر ءِ یک ءَ داں دو ءُ نیم ءَ برجاہ بیت۔
