وائس پار بلوچ مسنگ پرسن ( وی بی ایم پی ) ءَ وتئی شنگ کرتگیں درشانے ءَ گوشتگ کہ چہ اسلام آباد ءَ بلوچ نودربر سئید بلوچ ءِ زوریں بیگواھی ءِ بگیری ءَ کائد آزم یونیورسٹی ءَ بلوچ اسٹوڈنٹس کونسل ءِ زھرشانی نندانک ءَ چار روچ اِنت کہ برجاہ اِنت۔
آئی ءَ گوشتگ کہ زھرشانی کنوکیں مردمانی رد ءَ سئید بلوچ ڈی ایس ایس بھرگ ءِ نودربرے ءُ ھمے سال ءِ 8 جولائی ءَ چہ اسلام آباد ءِ ٹول پلازہ ءَ ریاستی ادارھاں آوار جتگ۔ چہ ایشی ءَ پد آئی ھچ وڑیں ھال نیست۔
آئی ءَ گوشتگ کہ ما گوں سرکار ءَ لوٹ کن ایں کہ آ کائد آزم یونیورسٹی ءَ نشتگیں نودربرانی زھرشانی ءَ دلگوش بہ کنت ءُ پہ سئید بلوچ ءِ آجوئی ءَ دلجمی بہ دنت دانکہ بلوچ نودربراں چہ اے سسائی آزاراں بہ کش ایت۔
