ھزدار ءِ ھند اورناچ شھر ءَ بلوچ سرمچارانی گوں لس مھلوک ءَ گپ ءُ تران ءِتامربندےماں رسانکدر ءَ شنگ بیتگ کہ سرمچارے تران کنت ءُ گوش ایت اے جنگ شمئے جنگ اِنت ما شمئے پھازداریں، اچما کس مہ ترس ایت ۔ اے سرڈگارھمنچو شمئے اِنت ءُ ھمے ھساب ءَ منی اِنت۔
آئیءَ گوشتگ کہ اے بلوچ سرڈگار چہ مادن ءَ سریچ اِنت، بلے مئے راج ایردست اِنت ءُاے نوکیں دھر ءَ مارا دو وھد ءِ نان ھم نہ رس ایت۔
آئیءَ گوشتگ کہ نوں میرءُ سردارانی وھد ھلاس بیت ءُ نوں بلوچ جھدکارانی وھد اِنت، اد ءَ شما چونیں ھم دیمونی دات کن اِت، کسے یک راھے نشان دنت، کسے جاھے گوش ایت۔
آئی ءَ گوشتگ کہ اے مرچیگیں جنگے نہ اِنت اے اورناچ شھر ءَ پیش ءَ ھم سنگت اَتکگ اَنت، انوں ما اتکگ ایںءُ دیم ءَ ھم سنگت کاینت۔ ما دژمن ءَ کجام ھم جاہ ءَ بہ گند ایں آئی ءَ جن ایں۔
آئیءَ گوشتگ کہ ما گوں وتی راج ءَ ھمے دزبندی ءَ کن ایں کہ گوں وتی جھدکاراں ھرپیمیں کمک ءَ بہ کن اِت۔
آئی ءَ دیوان ءِ ھلاسی ءَ گوں شرپ ءَ دیوان ءَ ساڑی ئیں مردمانی منت گپتءُ گوں مھلوک ءَ وتی اوست درشان کرتگ۔
چوش کہ اے بابت ءَ بلوچستان لبریشن پرنٹ ءَ وتی درشانے ءَ گوشتگ اَت کہ 12 نومبر ءِ بیگاہ ءَ مئے سرمچاراں ھزدار ءِ ھند اورناچ ءُ پنجگور ء شھدگ بستگءُ پٹ ءُ پول کرتگ، ھمے روچ ءَ سرمچاراں اورناچ بازار ءَ تر ءُ گرد کرتگ ءُ اود ءَ پولیس تانہ انگر کرتگ کہ سرکاری سلاہ دز نہ کپتگ۔
