شال: بلوچ یکجھتی کمیٹی ءِ نیمگ ءَ 27 جنوری ءَ شال ءَ بیوکیں مچی ءِ بھر زورگ ءَ چہ بلوچستان ءِ جتائیں ھند ءُ دمگاں مردم کاروانانی دروشُم ءَ درکپگ ءُ وت ءَ شال ءَ سر کنگ ءَ اَنت۔
بنشون ءِ رد ءَ انوں چہ کیچ ءُ پنجگور ءَ مردم سدانی کچ ءَ کاروان ءِ دروشم ءَ درکپگ ءُ دیم پہ شال ءَ روگ ءَ اَنت۔
یات بہ بہ اِت کہ تربت ءَ شھید بالاچ ءُ آدگہ زور بیگواھیں مردمانی ناھکیں کوش ءِ پژدر ءَ چست بوتگیں زرمبشت اسلام آباد ءَ سر بوتگ، دو ماہ ءَ زھرشانی نندانک ءَ آیانی لوٹ منگ نہ بوتگ اَنت بی وائی سی ءِ زھرشانی روانک زی واتر شال ءَ سربوتگ۔
بلوچ یکجھتی کمیٹی ءِ نیمگ ءَ 27 جنوری ءَ شال ءَ مزنیں مچی یے برجم دارگ ءِ جار جنگ بوتگ کہ مرچی چہ بلوچستان ءِ جتائیں ھند ءُ دمگاں مردم دیم پہ شال ءَ مچی ءَ بھر زورگ ءَ روگ ءَ اَنت۔
