کراچی/گْوادر: پاکستانی پوج ءَ دو دشت ءِ جاہ منندیں مردم آوار جنگ ءَ پد بیگواہ کرتگ۔
اھوالکار ءِ رد ءَ پاکستانی پوج ءَ چہ کراچی بالی پٹ ءَ امجد بلوچ ء گلام مھمد آوار جتگ کہ آ دشت زرین بگ ءِ جھمنند اِنت۔
آئی کھول ءِ گوشگ اِنت کہ امجد دبی ءَ کار ءَ بوتگ ءُ وتی موکلاں پیداک بوتگ کہ پاکستانی پوج ءَ چہ کراچی ءَ بالی پٹ ءَ آوار جتگ ءُ بیگواہ کرتگ۔
ھمے وڑ ءَ یک ھپتگے پیش پاکستانی پوج ءَ چہ گْوادر ءَ ھکیم بلوچ ء شریپ آوار جتگ ءُ بیگواہ کرتگ کہ آ ھم دشت زرین بگ ءِ جھمنند اِنت۔
چوش کہ ھکیم بلوچ ءِ پت شریپ بلوچ ءَ ھم پاکستانی پوج ءَ 2015 ءَ آوار جتگ اَت ءُ آ چار سال ءِ بیگواھی ءَ پد آجو بوتگ اَت۔ نوں آئی زھگ پاکستانی پوج ءَ آوار جتگ ءُ بیگواہ کرتگ کہ چہ آئی بیگواھی ءَ کھول سکا جنجال اِنت۔
